Լավ, սա թեմայի տխուր մասը: Իսկ հիմա անցնենք հաճելի մասին: Որքան տարբեր են մարդիկ, այնքան տարբեր են նրանց սիրո արտահայտումները և խոստովանությունները: Երբեմն սեր խոստովանելով դիմում են ավանդական, պապական միջոցին` բառերին. ուղղակի ասում են իրենց զգացմունքների մասին: Երբեմն վախենալով մերժվելուց կամ մեկ այլ բանից դիմում են խոստովանության անանուն ձևերի օգնությանը:Ո՞վ կարող է հրաժարվել ռոմանտիկայի բարձրագույն արտահայտումից` մեկ հատ վարդից: Դե եթե մեկ հատի տեղը մեկ փունջ լինի՝ ավելի լավ:

Հնարավոր են նաև անսպասելի, խենթ և հարևաններին հունից հանող քայլեր` հրավառություն, անթիվ-անհամար փուչիկներ, այդ վարդերի փունջի բարձրացում համապատասխան հարկ վերամբարձ կռունկի՝ այսինքն կռանի միջոցով, սրտիկաձև խարույկ սիրելիի տան պատուհանների տակ…., դե սերն էլ գժության արտահայտումներից մեկն է:

Վերջերս չկա մի այնպիսի անցում, որտեղ չտեսնես սիրո խոստովանություն որևէ աղջկա  կամ անհայտ էակի ուղղված: Պատահում են նաև այսպիսի դեպքեր`

Դե Բաղրամյան փողոցով էլ, երբ անցնում ես, չես կարող անտարբեր անցնել այսպիսի տեսարանի կողքով`

Նաև խոսենք այն մասին, թե սիրո խոստովանության ինչպիսի ձևերի եք հանդիպել, ինչու է այդքան վախենալու և ամոթալի հնարավոր մերժումը, ով պետք է առաջինը խոսի իր զգացմունքների մասին տղան, թե աղջիկը և վերջապես մեկ անգամ են սեր խոստովանում և ապացուցում այդ զգացմունքների առկայությունը որևէ հերոսության միջոցով, թե՞ դա պետք է կրի անընդհատ բնույթ:

Իսկ հիմա մրցույթի մասին: Այսպիսով, եթե ցանկանում եք փետրվարի 14-ը անցկացնել սիրելիի հետ ռոմանտիկ մթնոլորտում, ուղարկեք Ձեր ամենաօրիգինալ խոստովանությունը մոտակա 10 օրվա ընթացքում: Դա կարող են լինել թե բառեր, թե բանաստեղծություն, և թե յուրահատուկ կերպով սեր խոստովանելու պլաններ: Խոստովանությունը կամ պատրաստվող խոստովանության նկարագրությունը ուղարկում եք մեզ, նախ սեղմում եք հետևյալ կոճակը Ձեր վահանակում՝

այնուհետև հավաքում եք տեքստը և ուղարկում եք մեզ (Submit for Review կոճակը: Ընտրված լավագույն խոստովանությունները կհրապարակվեն կայքում, իսկ հաղթողը կպարգևատրվի:

Մրցանակ՝ 10000 դրամ արժողությամբ ռոմանտիկ սեղան Pascucci սրճարանում

Հայտերի ընդունման վերջնաժամկետ՝ փետրվարի 13, ժամը 18:00

Հաջողությու՛ն: