Kargin.am » Մեքենա

2009 թ. լավագույն մեքենաները

Կարգին Ադմին — Sun, 21 Feb 2010 14:13:41 +0000

Հայտնի դարձան Լավագույն Ավտոմեքենա 2009 համաշխարհային մրցանակաբաշխության հաղթողները: Արդյունքները հայտնի դարձան մի քանի օր առաջ՝ Նյու-Յորքի ավտոշքերթի ժամանակ: 25 երկրներից 59 դատավորների քվեարկության արդյունքում 2009 թ. լավագույն մեքենա ճանաչվեց Volkswagen Golf VI մոդելը:

Ընտրության գլխավոր չափանիշը եղել է գին/որակ հարաբերակցությանը: Golf VI-ը, ժյուրիի կարծիքով, հարմարավետությամբ և շարժիչի բնութագրիչներով ետևում է թողնում բոլոր մրցակիցներին: Երկրորդ հորիզոնականը զբաղեցրեց Ford Fiesta-ն՝

Տոյոտան, որը պարտադիր կերպով ներկայացված է լինում վերջին տարիների մրցանակաբաշխությունների լավագույն եռյակում, այս անգամ զբաղեցրեց երրորդ տեղը իր iQ մոդելով:

Լավագույն սպորտային մեքենա անվանակարգում հաղթեց Nissan GT-R մոդելը.

8 մխոցային շարժիչով, 0-100 կմ/ժ արագությանը ընդամենը 3.5 վայրկյանում հասնող GT-R-ը շրջանցեց լեգենդար Chevrolet Corvette մոդելի հերթական՝ ZR1 տարբերակին.

Իսկ երրորդ հորիզոնականը զբաղեցրեց Porsche Carrera 911-ը.

Այս անվանակարգում գլխավորապես գնահատվել են հատկապես մեքենաների մատչելիությունը և օրիգինալ ոճը: Նախորդ տարիներին լավագույն սպորտային մեքենա անվանակարգում հաղթել էին Audi-ի մոդելները՝ համապատասխանաբար Audi RS4-ը 2007 թվին, և Audi R8-ը՝ 2008-ին:

Ավտոթյունինգ

arman13 — Wed, 23 Dec 2009 14:51:52 +0000

Ուշադրությու՛ն: Յուրաքանչյուրդ նստեք ձեր մտքի մեքենան, շարժի գցեց մարտկոցը և շարժիչը, թողեք, որ այն մի փոքր տաքանա, կապեք ամրագոտին, համապատասխան ոտնակների և փոխանցման տուփի միջոցով մեքենան ընթացքի մեջ գցեք, արագություն ապահովեք ու…գնացինք…

Հրավիրում եմ բոլոր ավտոսիրահարներին մասնակցելու հետևյալ քննարկմանը և խոսելու ավտոթյունինգ երևույթի մասին:

Այս երևույթը աշխարհում լայն տարածում ունի, իսկ Հայաստանում այն դեռ առաջին քայլերն է անում, և երբեմն նույնիսկ սկանդալային բնույթ է կրում հայ իրականության մեջ:

Բայց արդեն փաստ է այն, որ մի շարք հայկական հեռուստահաղորդումների շրջանակներում խոսվում է այս երևույթի մասին, և ցուցադրվում են Հայաստանում ավտոտյունինգի սիրահարների կապիտալները և դրանց հնարավորությունները:

Պարզ է, որ այս դեպքում կապիտալ ասելով հասկանում ենք հենց մեքենաները:

Քննարկումն ակտիվ դարձնելու նպատակով կան ավտոթյունինգի մի քանի օրիգինալ մոդելներ, ինչպես նաև հայկական թյունինգի որոշ օրինակներ:

Mercedes-Benz թե՞ BMW

Fiesta — Thu, 17 Dec 2009 15:29:45 +0000

Շատ հաճախ տղաների շրջապատում կարելի է լսել հետևյալ բարդ արտահայտությունները. Ավտոս ծախեմ, մի 2000 էլ կղրկեն, թազա Մերս եմ ուզում վեկալեմ, Մի հատ թույն X5 կա, աչքս վրեն ա, Էս ինչ թույն Մերս ա, Վերջն աաաա, Մի հատ էս BMW-ից լիներ, քշեինք… այս շարքը կարելի է անվերջ շարունակել:

Մեզ բոլորիս քաջ հայտնի Mercedes և BMW ֆիրմաների միջև մրցակցությունն ու պայքարը սկսել է դեռևս 1936 թվականից, երբ BMW-ն թողարկեց իր 326 մոդելը, որը տարբերվում էր ժամանակակից տեխնիկական միջուկով, արտասովոր դիզայնով և շքեղ սալոնով: Դուրս գալով շուկա, որտեղ գերակայում էր Mercedes- Benz-ը, BMW-ն սկսեց ամրապնդել իր դիրքերը:

Մի ֆիրմայի յուրաքանչյուր նորույթին հակառակ մյուսը թողարկում էր ավելի կատարելագործվածը: Բնական է, որ այս ֆիրմաների միջև մրցակցությունն ու պայքարը շարունակվում է մինչև այսօր:

Հայաստանում մեքենաների բազմազան տեսականի առաջարկող շուկայում առաջատար տեղ են զբաղեցնում Mercedes և BMW մակնիշի ամտոմեքենաները: Չնայած քաղաքում արագորեն աճում է արտասահմանյան մեքենաների թիվը, սակայն բազմաթիվ հայ տղաների համար այս մեքենաները դարձել են ԿՈՒՌՔ:

Իսկ ինչն է պատճառը, որ մեր հայ տղաներին այդքան շատ են գրավում BMW-ներն ու Mercedes-ները, ինչով են դրանք ունիկալ, ինչով են առանձնանում այլ մակնիշի մեքենաներից: Միգուցե բացի որակից ու դիզայնից այլ թաքնված պատճառներ էլ կան, որոնք ստիպում են մեր տղաներին ընտրել հենց այդ մակնիշների մեքենաները: Եկեք քննարկենք այդ գործոնները և հասկանանք մեր տղաների ընտրության արդարացի պատճառները:

Քաղաքի ամենասիրուն մեքենան

vardan — Sat, 28 Nov 2009 15:23:24 +0000

Ինչպես նախորդ երկու բաժինների մեքենաների (կարգին հայկական թյունինգ և 2pac-ն էլ կհավաներ), այնպես էլ այս մեքենայի հեղինակը Ղազարյան Սամվել ա: Կարծում եմ համաձայն եք, որ բոլոր մեքենաներն էլ մեկը մյուսից լավ ու գեղեցիկ էին:

Իսկ այս մեքենան պատկանում ա հենց Սամվելին: Երևի շատերդ եք փողոցում տեսել այս մեքենան ու հիացել, իսկ եթե չեք տեսել, մի օր անպայման կտենաք: Իսկ եթե ուզում եք Ձեր մեքենան էլ դառնա էս կարգի արվեստի գործ, ապա կարող եք կապնվել Սամվելի հետ 091-60-60-66 հեռախոսահամարով ու իրականացնել Ձեր երազանքը:

Սա էլ հենց ինքը՝ այս շքեղ թյունինգների հեղինակը:

Հրաշալի դիզայն… հրաշալի թյունինգ:

Քաղաքի ամենաօրիգինալ մեքենաները ALFA OMEGA-ի ոճով են պատրաստված…

Վթարված սուպերմեքենաներ

vardan — Mon, 09 Nov 2009 17:34:56 +0000

Փորձեք մինչ մեքենայի մոդելը իմանալը գուշակել, թե ինչ մոդել ա և գրեք ըստ հերթականության: Պատասխանները կավելացվեն մի փոքր ուշ:

Ու հլը էսքանից հետո խեղճ վարորդին տուգանու՞մ են: Ափսոսում եմ էն գումարը, որը վճարել են այս մեքենայի համար:

Իրոք արագությունը ոչ բոլոր դեպքերում է հաճելի: Ասում են, թե այս մեքենայի մյուս կեսը չեն գտել:

Ասում են, թե մեքենայի մյուս կեսը չեն գտել: Այս դեպքում մեքենայի վարորդին կսազեր անկոչ հյուր ասվածը: Կարծում եմ, դժվար չի գուշակել սրա մոդելը:

Իսկ սրանից մենակ բանտաժներն են անվնաս մնացել:

Մեքենան բախվել ա ծառին և, հայավարի ասած, ջնջխվել:

Իսկ սա մեծ արագության տակ ընթանալուց համբուրվել ա սյան հետ…

Ճիշտ պատասխաններ
որոնք արդեն նշվեցին մեկնաբանությունների մեջ

1.Lamborghini Diablo
2.Ferrari Enzo
3.BMW X5
4.Aston Martin DBS
5.Bugatti Veyron
6.Porsche Carrera GT

2 PAC-ն էլ կհավաներ

vardan — Tue, 27 Oct 2009 15:10:34 +0000

LADA 010 TIGER

Այս մեքենայի երկու կողմերից էլ դռների վրա պատկերված են կատվազգի կենդանիներ: Մի կողմում պառկած վագր ա նկարված և այն պատկերված ա երկու դռների վրա: Իսկ վարորդի կողմից հետևի դռան վրա պատկերված ա հովազ: Համաձայնվեք, որ երկու նկարներն էլ իրոք որ ստացված են…

TOYOTA GUN

Չնայած մեքենան այնքան էլ նոր մեքենա չի, բայց իր տեսքով լրիվ տարբերվում ա իր մոդելի մյուս մեքենաներից: Շատ օրիգինալ տեսք ունի դիմացից ու հետևից: Հատկապես հաջող ա ստացվել պահեստային անվադողի նկարը:

MERCEDES COUPE

Այս հրաշալի Մերսեդես կուպեի վրա պատկերված են երկու՝ մեկը մյուսից սիրուն նկարներ: Դռան կողմից պատկերված ա հզոր ցունամի, որն ավիրում ա փայտից լաստը:

Մեքենայի կապոտին մի նկար կա, որին առաջին անգամ նայելուց տեսնում ես միայն շնաձկանը, բայց եթե երկար նայեք, միգուցե ուրիշ պատկեր էլ կնկատեք:

Նշենք, որ թե նախորդ նյութում և թե այս նյութում ցուցադրված բոլոր մեքենաների թյունինգային տարբերակի հեղինակը Սամվել Ղազարյանն ա, ում մեքենաները շատ օրիգինալ ու նորաձև դիզայն ունեն: Սամվելի մասին ավելի մանրամասն տվյալներ կիմանաք մոտ մեկ շաբաթից՝ հաջորդ նյութում, որտեղ նաև կտեսնեք քաղաքի հավանաբար ամենաստացված թյունինգը, որը պատկանում ա հենց Սամվելին:

Կարգին հայկական թյունինգ

vardan — Sun, 18 Oct 2009 14:25:26 +0000

Բոթաս ավտո KIA

Առաջին հայացքից դժվար ա հավատալը, բայց փաստ ա, որ այս մեքենայի վրա իրականում ամեն ինչ նկարած ա: Ուշադրություն դարձրեք հատկապես բոթասի կարերին: Իրոք որ կարելի ա նույնիսկ ամենաձանձրալի մեքենաները դարձնել օրիգինալ, գեղեցիկ ու բարձրաճաշակ…

LADA LADY

Անհավատալի ա, բայց փաստ ա, որ Հայաստանում էս կարգի տյունինգ կա: Ուղղակի հրաշալի աերոգրաֆիկա և դիզայն: Այ էս դեպքերում ա, որ մեկնաբանություններն ուղղակի ավելորդ են: Նայեք ու վայելեք ինքներդ:

Կաթիլ AUDI

Մեքենան աչքի ա ընկնում չափից դուրս բնական կաթիլի տեսքով, որին առաջին անգամ նայելիս թվում ա, թե կապոտի վրա փոս կա: Հետաքրքիր ա նաև բանտաժների գույնը, ինչը նույնպես շատ հազվագյուտ կհանդիպես Հայաստանում:

Նյութի պատրաստմանը աջակցելու համար հատուկ շնորհակալություն Մագավտո + ծրագրի հաղորդավարուհի Մագային:

Spyker D12 Peking-to-Paris

vardan — Tue, 13 Oct 2009 14:03:00 +0000

Այս շքեղ 4 դռնանի ամենագնացը, որը սկսվել է արտադրվել 2007 թվականից, պատկանում ա հոլանդական Spyker Cars ընկերությանը: Մոդելի անվանումը եկել 1907 թվականին կայացած ռալլիի անունից, որը ձգվում էր Պեկինից Փարիզ: Այդ ռալլին տևել ա մոտ 3 ամիս, և Spyker-ի մոդելը, որը, ի դեպ, կոչվում էր հենց D12 Peking-to-Paris՝ ռալլիի պատվին, վերջում զբաղեցրել ա երկրորդ տեղը:

Մոդելը մի շարք ջիպերի համեմատ շատ թեթև ա՝ 1850կգ, բայց 100կմ/ժ արագության հասնում է 5 վայրկյանում, իսկ առավելագույն արագությունը կազմում ա 295կմ/ժ, ինչը ջիպի համար շատ լավ ցուցանիշ ա: D12-ի վրա դրված ա Audi-ի 500 ձիաուժ հզորությամբ, 6 լիտր աշխատանքային ծավալով W-աձև 12 մխոցանի շարժիչը:

Չնայած այս մոդելը ամենագնաց ա, դիզայնի որոշ տարրեր տալիս են մեքենային սպորտային տեսք: Մեքենայի սալոնը աչքի ա ընկնում յուրօրինակ դիզայնով ու շքեղությամբ: Մեքենայի երկարությունը 4.95 մետր ա, իսկ լայնությունը` 2 մետր:

Շատերը առաջին հայացքից այս մոդելը նմանեցնում են Porsche Cayenne-ին, բայց դա իրականում միայն թվում է: Իրականում եթե կա ինչ-որ նմանություն այս երկու մոդելների միջև, ապա դա միայն լուսարձակների նմանատիպ դիզայնն ա:

Ամենաթանկ մեքենաները

vardan — Thu, 08 Oct 2009 19:18:21 +0000

5. McLaren F1 $970,000

Մեքենան երեք տեղանոց ա՝ վարորդի հետևը կա ևս երկու նստատեղ: Արտադրվել ա 15 տարի առաջ, ու մինչև 2005 թիվը մնացել ա աշխարհի ամենաարագ մեքենան 395 կմ/ժ ցուցանիշով:

4.Pagani Zonda R

Այս մեքենան արտադրվում ա մի Իտալական անկախ արտադրող ընկերության կողմից, որն արտադրում ա տարեկան ընդամենը 10 ավտոմեքենա: 0-100կմ/ժ-ի հասնում է 3.5 վայրկյանում, իսկ առավելագույն արագությունը կազմում է 346կմ/ժ: Շարժիչը V-աձև 12 մխոցանի է, իսկ աշխատանքային ծավալը` 7.3լ.:1999 թ.-ից մինչև հիմա արտադրվել ա մոտ 100 Zonda (R և F):

3.Maybach 62 S Landaulet 1.380.000$

Իզուր չի, որ այս մեքենան համարվում ա ամենաշքեղ ավտոմեքենաներից մեկը աշխարհում: Maybach-ի այս մոդելը անթերի ա՝ գեղեցիկ և էլեգանտ դիզայն, արագություն ու հարմարավետություն: Անունն անգամ գրավում ա միլիոնավոր մարդկանց ուշադրությունը, գինն էլ դե համապատասխանաբար, միլիոնավոր դոլարներ են: Մաքսիմալ արագությունը 250կմ/ժ, իսկ 0-100կմ/ժ-ի հասնում ա 5.2 վայրկյանում: Մեքենայի V-աձև 12 մխոցանի շարժիչի հզորությունը 604 ձիաուժ ա, իսկ աշխատանքային ծավալը՝ 6 լիտր:

2. Lamborghini Reventon 1.600.000$

Լամբորջինիի այս մոդելը երբևէ արտադրված ամենահզոր ու թանկարժեք Լամբորջինին է: 0-100կմ/ժ արագության հասնում է 3.4 վայրկյանում: 6.5լ. աշխատանքային ծավալով և V-աձև 12 մխոցանի շարժիձով այս մեքենայի մաքսիմալ արագությունը 340 կմ/ժ է:

1. Bugatti Veyron 1.700.000$

Այս մեքենան արագությամբ զբաղեցնում ա աշխարհում երկրորդ տեղը, իսկ 2005-2007 թ. եղել ա առաջինը:0-100կմ/ժ արագության հասնում ա ընդամենը 2.5 վայրկյանում (աշխարհի համար 1 ցուցանիշ), իսկ առավելագույն արագությունը կազմում է 421կմ/ժ: Շարժիչը W-աձև, 8լ. աշխատանքային ծավալով ու 1001 ձիաուժ հզորությամբ: Veyron-ի Grand Sport մոդիֆիկացիան վաճառվել ա ԱՄՆ-ում 2.9 միլիոն դոլարով:

Իսկ պատմության մեջ ամենաթանկ մեքենայի ռեկորդը պատկանում ա 1962 թ. Ferrari 250 GTO մոդելին, որից արտադրված ա եղել ընդամենը 39 օրինակ, ու որը կարող էին առնեին մենակ Էնցո Ֆերրարրիին ծանոթ մարդիկ: Անցած տարի 250 GTՕ-ն վաճառվեց աճուրդի ժամանակ 28.5 մլն. դոլարով, իսկ թե ով առավ, մինչև հիմա հայտնի չի: 250GTO-ն բացում էր 1962 թ. համար ռեկորդային 279 կմ/ժ…

BMW X1՝ X5-ի հետնորդը շուտով վաճառքում

Կարգին Ադմին — Sat, 26 Sep 2009 12:13:57 +0000

Արդեն ներկայացվել ա մի քանի ավտոսալոններում, վերջին անգամ՝ այս ամիս Ֆրանկֆուրտում:

X1-ի տարբերությունը նախորդ X-երից, բացի նրանից ավելի փոքր չափերից, նաև ավելի ցածր գինն ա: Ընդհանրապես, BMW-ում ասում են, որ նոր մեքենան հիմնականում երիտասարդության համար ա նախատեսված:

Սալոնը, համենայն դեպս նկարով, շատ հաճելի տպավորության ա թողում:

Հզորությունը 258 ձիաուժ, 0-100 կմ/ժ արագությանը հասնում ա 6.8 վայրկյանում, առավելագույն արագությունը կազմում ա 200-220 կմ/ժ (կախված կոնկրետ մոդելից): Ջիպի համար նորմալ ա:

X1-ը վաճառքում կհայտնվի նոյեմբերից, 33000$ արժողությամբ: Այս մեքենայով BMW-ում հույս ունեն զգալի տեղ զբաղեցնել շուկայի այն սեգմենտում, որտեղ առաջատար են համարվում Տոյոտա RAV4-ն ու Աուդի Q1-ը: Ինչքանով դա կհաջողվի՝ կերևա նոյեմբերից հետո: