Սիրելի աղջիկներ, այժմ եկել է ժամանակը իմաանալու ձեր ընտրյալների սիրային նախասիրություները: Հիմա դուք հնարավորություն ունեք նախորոք իմանալ, թե ձեր սիրեցյալն ինչ է սիրում և ինչպես է սիրում անկողնում: Եվ, առհասարակ, ինչպիսի աղջիկների է նախընտրում: Գնահատեք Ձեր հնարավորությունները, համեմատեք իրական նախատիպերի հետ, արտահայտեք Ձեր կարծիքը:

Խոյ՝ մարտի 21-ապրիլի 20

Իր նպատակին հասնելու համար նա ընդունակ է կիրառել ամենատարբեր հնարքներ ու խորամանկություններ, անգամ` նենգություն ու խաբեություն: Ընդ որում` երբեմն բուն մերձեցումը կարող է կորցնել իր հմայքը, քանի որ ուժերն արդեն վատնել է դրան հասնելու համար: Երբեմն կասկածամիտ է դառնում, և նման դեպքերում մերձեցումը կնոջ համար վերածվում է խոշտանգման: Կարելի է չկասկածել` նա անպայման կամուսնանա այնպիսի կնոջ հետ, որը կենթարկվի իրեն և կկատարի իր քմահաճույքները: Ամուսնության մեջ ինքնավստահություն ու հանգստություն ձեռք բերելով` կնոջ համար սեռական հրաշալի զուգընկեր ու ընտանիքասեր կլինի:

Ցուլ՝ ապրիլի 21-մայիսի 20

Միանգամից ասենք, որ կանայք ձգտում են ամուսնանալ նրա հետ: Ճկուն ու նուրբ սիրահար չես անվանի նրան, բայց կիրքն ուժեղ է ու գրգռիչ ազդեցություն է ունենում կանանց վրա: Մերձեցման պահին նա հակված է իրավահավասարության և չի ձգտի Ձեզ ճնշել իր զգացմունքայնությամբ: Եթե որոշել եք նրա հետ հարաբերություններ ունենալ, պատրաստ եղեք անկեղծանալ մինչև վերջ: Նա ինքն անկեղծ է մերձեցման բոլոր դրսևորումներում և նման վերաբերմունք է ակնկալում նաև զուգընկերուհուց: Գործնականում նրան անհնար է խելքահան անել կանացի զանազան խորամանկություններով: Մի կարևոր հանգամանք ևս` նրա գերազանց ֆիզիկական վիճակը կպահպանվի մինչև խոր ծերություն, իսկ ամուսնությունն էլ երկարատև ու երջանիկ կլինի:

Երկվորյակներ՝ մայիսի 21-հունիսի 21

Նա բարձր է գնահատում կնոջ ու ինտիմ հարաբերությունների գեղեցկությունը: Սակայն այս նշանի տղամարդկանց տաղանդավորությունը ամենևին էլ գրավական չէ սեռական հարաբերություններում օժտվածության: Ռոմանտիկ աշխարհընկալումից ելնելով` նա ճիշտ չի գնահատում կնոջը` պարուրելով նրան ռոմանտիկայի շղարշով: Դա առաջացնում է բնական պատասխան զգացմունք, բայց մերձեցման պահը հաճախ կարող է հիասթափեցնել Ձեզ: Նա մշտապես հոգածության կարիք ունի, և գրեթե միշտ գտնվում է մի կին, որը զոհաբերում է իրեն հանուն նրա տաղանդի: Բայց նույնիսկ այդ կինը կհասկանա, որ նրա հետ նորմալ ընտանիք կազմել հնարավոր չէ, և կբավարարվի պահապան մուսայի դերով:

Խեցգետին` հունիսի 22-հուլիսի 22

Վիրավորված ու լքված կանանց մեծ շարան է ձգված նրա հետևից: Բայց նրա մեջ կարեկցանք չի առաջանում, քանի որ քիչ է նախատրամադրված այդ զգացմունքին: Նրա բնորոշ գիծը եսասիրությունն է: Ավելի փորձառու կանայք խուսափում են նրանից: Իսկ երիտասարդների մոտ գլխապտույտ է առաջացնում: Ցանկասեր է, անկողնում հոգում է միայն իր բավարարվածության մասին, հաճախ էլ` վիրավորական ու ցինիկ պահվածք դրսևորում: Նրանից իսկական հաճույք կստանաք միայն այն դեպքում, եթե Դուք մազոխիզմի սիրահար եք: Ամուսնությունը նրա համար ոտնձգություն է անձնական ազատության դեմ: Զգույշ եղեք` նա ստեղծված չէ ամուսնության համար: Իշխելու մշտական ձգտումը նրա կնոջը դժբախտ ու տանջված կդարձնի:

Առյուծ` հուլիսի 23-օգոստոսի 23

Բոլոր առյուծների նման նա ևս շատ թուլություններ ունի: Իսկ դուք նույնիսկ չեք էլ ենթադրում, որ վստահ ու բարեհոգի արտաքինի տակ կարող է թաքնված լինել սեփական կարողություններին ու հնարավորություններկն ամենևին էլ ոչ վստահ տղամարդ: Նա միշտ սպասում է ձախողման, այդ պատճառով էլ հավերժական լարվածության մեջ է: Իրեն և ուրիշներին իր լիարժեքությունը ցույց տալու նպատակով դիմում է ամենատարբեր սիրային արկածախնդրությունների, ստեղծում է կասկածելի կապեր: Նրա իսկական ուժը կարող է բացահայտել միայն խելացի ու նրբանկատ կինը, ով կհամոզի նրա, որ բարձր է բոլորից: Հենց նման կնոջն էլ կնության կառնի նա` դառնալով հրաշալի տղամարդ ու զավակների համար հոգատար հայր:

Կույս՝ օգոստոսի 24-սեպտեմբերի 23

Հստակության ու պարզության ձգտումը, ինչպես նաև երկչոտությունը փոքր-ինչ բարդացնում են նրա սիրային կապերը: Նրան խանգարում է նաև իր սիրահարկոտությունը, ինչը բխում է կնոջ մասին իդեալական պատկերացումից: Նրա սեռական հնարավորությունները մեծ են, բայց Ձեզ հատկապես կապշեցնի անկողնում նրա քնքշությունը, ինչը հազվադեպ է այլ տղամարդկանց մոտ: Հենց քնքշությամբ ու նվիրվածությամբ է նա նվաճում կնոջ սիրտը: Թեև նա ոչ այնքան կնոջ աջակցության, որքան նրա բարեկամական տրամադրվածության կարիք է զգում:

Կշեռք՝ սեպտեմների 24-հոկտեմբերի 23

Կշեռքի մի նժարին հրաշալի բնավորությունն է, կայունության ձգտումն ու շրջապատի մարդկանց սերը, մյուսին` կնոջ նկատմամբ տառապագին, բոլորից թաքցվող, անզուսպ ձգողությունը, սեքսի անընդհատ ծարավը: Կնոջ հետ մերձեցումը միայն կարճ ժամանակով է թեթևացնում նրա տառապանքները: Եթե հնարավոր լիներ, կթողներ թե ընտանիքը, թե աշխատանքը` ամբողջովին տրվելով էրոտիկային: Վիճակը բարդանում է նաև նրանով, որ զուգընկերուհիներին բաժին չի հասնում նրա ուշադրությունից. նա ձգտում է միայն իր կրքի բավարարմանը: Ընտանեկան կյանքում ընդունակ է հարաբերական հանդարտության հասնել մի պայմանով, որ կնության առնի նույնատիպ խառնվածքով կնոջ:

Կարիճ՝ հոկտեմբերի 23-դեկտեմբերի 21

Նա կրակոտ, ամենաանհավանական արարքների ընդունակ մարդ է: Մեծ խաղացող և մեծ դերասան: Գերազանց սեռական զուգընկեր լինելով հանդերձ` երբեք իրեն թույլ չի տալիս թուլանալ ու գերի դառնալ կնոջ դյութանքներին: Նրա համար ամենամեծ արժեքն ազատությունն է: Սեքսը նրա համար սպորտ է: Նրան չեն գրավում մատչելիությունը. գերագույն հաճույքը ինտելեկտի ուժով նրան հավասար, նրա նման ազատ ու անկախ կնոջ հաղթելն է: Նրա համար ոչ այնքան հաղթանակի փաստն է հետաքրքիր, որքան խաղի բուն ընթացը: Շատ կանայք կարծում են, որ նրանից պարտություն կրելը նույնն է, թե նրան հաղթելը: Ամուսնու կարգավիճակում նրան պատկերացնելը շատ դժվար է: Կարիճ տղամարդիկ ավելի հաճախ ամուրի են մնում:

Աղեղնավոր` նոյեմբերի 23-դեկտեմբերի 21

Աջ ու ձախ նա Ամուրի նետեր է արձակում` չմտահոգվելով հետևանքերի մասին: Ուժեղ կապվածության պատրաստ չէ, բայց հանգիստ եղեք, դա չի պահանջում նաև Ձեզնից: Նրա կենսակերպը պայմանավորված է վայրերի ու հանգամանքների փոփոխության կրքով: Ու թեև կինը երբեք ուղեցույց աստղ չի դառնա նրա համար, դա դեռ չի նշանակում, որ նա անտարբեր է: Հակառակը` կինը, սեքսը նրան մեծ բավականություն են պատճառում: Հաճախ է դուր գալիս կանանց, բայց հեռանում է` նրանց տալով ամեն ինչ: Իսկ կանայք էլ չեն փորձում նրան հետ պահել` հասկանալով, որ նա ստեղծված չէ տևական միության համար: Անհաջող սիրախաղը նրան չի վախեցնում: Գրեթե միշտ տեղի ունեցածի նկատմամբ փիլիսոփայական վերաբերմունք է ունենում. Կփորձենք երբևէ մի ուրիշ անգամ:

Այծեղջյուր` դեկտեմբերի 22-հունվարի 20

Նա իրատես է և միշտ ճիշտ է գտնում դեպի նպատակը տանող ուղին: Կանանց հետ հարաբերություններում գրեթե միշտ հաջողության է հասնում: Երկար ժամանակ հավատարիմ է մնում նրան, կարողանում է կիսել նրա ցանկասիրական ապրումները: Սեքսը նրա համար միշտ երանգավորված է զգացմունքով: Ներփակ է և ցանկասիրական գաղտնիքները պահում է իր մեջ: Թեև բացվելու և իր ողջ էությունը ցույց տալու կարողություն ունի: Նրան ամուսնացնելու փորձերը հաճախ որևէ արդյունքի չեն հանգեցնում: Անձնական անկախությունն ամենևին էլ վերջին տեղում չէ նրա համար: Ընտանիք է կազմում միայն այն ժամանակ, երբ ինք է հանգում նման որոշման: Իսկ ընտանիքում գերազանց հայր է դառնում, կնոջ նկատմամբ ձգողությունն էլ ժամանակի հետ ավելի է ուժեղանում:

Ջրհոս՝ հունվարի 21-փետրվարի 20

Կրակոտ կնոջ համար նա, թերևս, նվեր չէ: Նրա սեռական ոլորտը մեծ չէ, գտնվում է հոգու հետ ընկած մասերում: Ցանկասիրական նկրտումները նվազագույն են: Նա միանգամայն բավարարված է լինում պատահական կապերով, որտեղ նրան գրավում է ոչ այնքան ֆիզիկական հաճույքը, որքան գեղեցիկ կնոջը տիրանալու բուն փաստը: Նրա սեռական վարքը մեծ չափով պայնանավորված է ընկերների հետ զրույցներով ու գրքերով: Մերձեցման ժամանակ հանգիստ ու պատրաստակամ ենթարկվում է կնոջը, քանի որ այլ դերի պարզապես պատրաստ չէ: Ամուսնության մեջ չի դավաճանում, քանի որ գլուխը միշտ խառն է աշխատանքով և ընտանեկան գործերով: Չնայած դրան` նրա կնոջը երջանկի համարել չի կարելի, քանի որ շատ քիչ զգայական հաճույք է պատճառում նրան: Սակայն, եթե Դուք անաշխույժ խառնվածքով կին եք, նա միանգամայն հարմար է Ձեզ համար, քանի որ մնացյալում հետաքրքիր և օժտված մարդ է, հավատարիմ ընկեր ու օգնական:

Ձկներ՝ փետրվարի 21-մարտի 20

Նա մեծ զգայականությամբ է օժտված: Այն գրգռում և բազում հաճույքներ է պատճառում կանանց: Բայց նրա հոգին թափանցելու կանանց բոլոր փորձերն զուր են անցնում: Շատ լավ է հասկանալով, որ կինը սիրում է ականջներով, խոսքերով խելքահան է անում նրան: Նրա մտերիմ հարաբերությունների մասին չգիտի անգամ իր ամենալավ ընկերը: Նրա համար բավական է հաղթանակների բերկրանքը միայնակ վայելելը: Հոգով հավաքորդ է (կոլեկցիոներ), բայց իր ձեռքբերումները գնահատող հավաքորդ: Միանգամայն գիտակցաբար է ամուսնանում` չնայած չունի ոչ կնոջ, ոչ էլ երեխաների կարիք: Նրա ամուսնական կյանքը միանգամայն կայուն է, բայց կինը միշտ կզգա անկեղծության կարիքը:

Բաժին։ Աստղագուշակ | 28 Կարծիք »
Բառեր։ ամուսնություն, աստղագուշակ, ընտանիք, հորոսկոպ, սեքս
Դիտվել է։ 4289 անգամ